COTES aliis COTTES

COTES, aliis COTTES
Africae promontorium in Mauritania Tingitana, in extremo freto situm, ut constat ex his Strabonis, postquam de freto actum: Ε᾿ντεῦθεν δὲ πρόπους ἔκκειταί τις ὕςτατος πρὸς δύσιν τῆς Μαυρουσίας, αἱ Κώτεις λεγόμεναι, i. e. Inde processus quidam obiacet, Mauritaniae pars ad occasum extrema, Cotes vocant. Proinde Ptolemaeus ibidem habet, Κώτης ἅκρον, Cotes promontorium. Putat Bochartus, l. 1. Chanaan, c. 37. Poenos scripsisse Cotes, i. c. τȏυ τρυγῶντος, vindemiantis, quia Mela l. 1. c. 5. Ampelusiam exponit. Verba sunt, Caput atque exordium (Africae) est promontorium, quod Graeci Ampelusiam, Afri aliter, sed idem significante vocabulô appellant. Plinio quoque, l. 5. c. 1. id promontorium Ampelusia dicitur; sed Cotes est vicinum oppidum. Promontorium, ait, Oceani extimum Ampelusia nominatur a Graecis. Oppida fuêre Lixa, Cotes ultra columnas Herculis, etc. At in Scylace Cotes est sinus in ipso freto inter Columnas et Ε῾ρμαίαν ἄκραν. Nic. Lloydius. Nunc Capo Spartel: Hispaniae obversum, prope Oceanum Atlanticum, ubi maior est Herculei Freti latitudo. 5. leuc. Hispanic. a Tingi, in Occasum, Baudrand.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.